इटहरी : दोस्रो लहरको कोरोनाका कारण व्यापारीहरु थप पीडित भएका छन । लकडाउन लम्बिदै गएसँगै इटहरीका व्यापारीहरुलाई थप चिन्ताले सताउन थालेको छ ।
लकडाउन खुकुलो भएपनि बजार चलायमान भएको छैन । घरधनी, बैंकको व्याज सम्झेर उनीहरूलाई थप चिन्ता हुन थालेको छ । अहिले व्यापारीहरुलाई आर्थिक समस्याले पिरोल्न थालेको भन्दै उनीहरु गुनासो गर्छन ।
‘लकडाउनभन्दा अघिदेखि नै इटहरीको व्यापार सुस्त थियो । इटहरीमा लामो समय देखि होटल व्यवसाय गर्दै आएका हिरा होटलका सञ्चालक प्रकाश महतोले भने , ‘त्यसमाथि लामो लकडाउनले व्यापारीहरू चरम आर्थिक संकटमा परेका छन् ।
ब्यापारीहरु आर्थिक समस्यामा पर्दै आएको भन्दै बैकको ब्याजमा अधिकत छुट हुनु पर्ने उनको माग छ । अहिले व्यापारीहरु सबै भन्दा बढि पीडित छन उनी भन्छन् । बैकको ब्याज भरभाडा र कर्मचारीहरुलाई कसरी तलब खुवाउने भन्ने चिन्ता रहेको उनको भनाइ छ ।
इटहरीकै रेडिमेट कपडा व्यापारी लोकेश साहको भनाइ पनि महतोकै जस्तै छ । उनले भने,‘पसल खुलेको छैन, तर घरबेटीले भाडाको आसा गरेका होलान् । अहिले सम्म जसो तसो चले पनि अब के गर्ने भन्ने चिन्ताले सताएको उनी बताउँछन । अहिले सम्म त घर९व्यवहार चलाएँ, अब पो के गर्ने भन्ने छ उनी थप्छन । इटहरीमा प्रदेश एककै महङो घरभाडा छ उनी भन्छन् ।
कामाख्या माँ सप्लार्यका सञ्चालक व्यापारी शंकर अग्रवाल भन्छन् अहिले कोरोनाको कारण आफूहरु धेरै पीडित भएको गुनासो गर्छन । एकातिर व्यवसाय खोल्न पाएको छैन । तर, बैँकको व्याज र भरडभाडाले सताउँन थालेको उनको गुनासो छ । घरभाडा, बैँकको व्याज र कर्मचारीहरुलाई तलब दिन समस्या हुन थालेको उनी गुनासो गर्छन ।
उद्योग बाणिज्य संघ इटहरीका महासचिव पीताम्बर पोखरेलले पनि सबै भन्दा बढि व्यापारीहरु समस्यामा परेको बताउँछन् । सरकारले व्यापारीको समस्या सम्बोधन गम्भीर रुपमा सम्बोधन नगरे धेरै व्यापारी पलायन हुने उनले बताए ।
धनबहादुर पुरीले लेखेको यो समाचार ब्लाष्टखबरबाट साभार गरिएको हो ।
Discussion about this post