इटहरी : श्रीमान सशस्त्रको जागिरमा । घरमा दुई छोरी । तर, प्रायःजसो धेरै समय परपुरुषसँगै सहवास ।
इटहरी २० तरहराकी ३३ वर्षीया महिलाको घिनलाग्दो हर्कत हो, यो । यतिमात्रै होइन, ती महिलाकी नौ वर्षीया छोरीलाई पनि युवकले गिद्धे दृष्टिकोणले हेर्ने र बाल यौन दुरुपयोग समेत गर्ने गरेको रहस्य खुलेको छ ।
नौ वर्षीया बालिकालाई यौन दुरुपयोग गरेकाले इटहरी ४ का ३८ वर्षीय किसनकुमार उदासलाई प्रहरीले पक्राउ गरेको छ । इलाका प्रहरी कार्यालय इटहरीका प्रमुख, प्रहरी नायब उपरीक्षक (डीएसपी) अर्जुन केसीका अनुसार तरहराकी नौ वर्षीया बालिकालाई यौन दुरुपयोग गरेको उजुरीका आधारमा किसनलाई पक्राउ गरिएको हो ।
‘बालिकाकी आमासँग गत वैशाखमा उनले विवाह गरेका रहेछन्,’ केसीले भने, ‘बालिकालाई यौन दुरुपयोग गर्ने गरेको आरोप लगाउँदै उजुरी परेको छ, सोही आधारमा पक्राउ गरिएको हो ।’ उनका अनुसार किसनले बालिकाका संवेदनशील अंगमा हातपात गर्ने, समाउने, मुसार्ने जस्ता क्रियाकलाप गरेकाले पीडित बालिकाले आफन्तको सहारा लिएर उजुरी गरेकी थिइन् ।
‘छोरीको भनाइ सुनेपछि मैले अब पनि उजुरी गरिन भने ठूलो पाप लाग्छ भनेर उजुरी गरेको हुँ,’ पीडितले भने, ‘एउटा झुट लुकाउनका लागि दसवटा झुट बोल्नुपर्छ, छोरीलाई मानसिक रुपमा पनि निकै समस्या भएको छ ।’
प्रहरीको प्रारम्भिक अनुसन्धान अनुसार बालिकाकी आमा र किसनकुमारबीच केही वर्षदेखि नै घनिष्ट सम्बन्ध रहँदै आएको थियो । सोही कारण गत वैशाखमा पहिलाका पतिलाई छाडेर ती महिलाले किसनसँगै विवाह गरेकी थिइन् ।
विवाह गर्नुअघि किसनकुमारसँग दिनहुँजसो उनको भेटघाट हुन्थ्यो । महिलासँगको भेटमा किसनले बालिकाका संवेदनशील अंगमा हातपात गर्ने गरेको प्रहरीको प्रारम्भिक अनुसन्धानमा खुलेको छ ।
यसरी बाहिरियो घटना
श्रीमान सशस्त्रको जागिरमै रहन्थे । धेरैजसो दिन किसन ती महिलाकहाँ आउँथे, कहिले ती महिला नै छोरीसँग किसनको घरमै जान्थिन् । किसनले बेला–बेला बालिकाका संवेदनशील अंग मुसार्ने, खेलाउने जस्ता हर्कत गर्थे ।
एकदिन अति भएपछि बालिकाले आफ्ना बाबुलाई सबैकुरा भनिन् । घटना गत वैशाख १९ को हो ।
‘बच्चालाई हिसाब सिकाइरहेको थिएँ, एकदिन बच्चाले धेरै नै समस्या भएको भन्दै सबै क्रियाकलाप सुनाएपछि घटनाबारे थाहा भयो,’ पीडित बालिकाका बाबुले टाकुरासँग भने, ‘उनीहरु गहिरो प्रेममा परिसकेका रहेछन्, वैशाख २२ गते कि मर्छु, कि मार्छु भनेर भनेपछि त्यो युवक (किसन) लाई बोलाएर २३ गते नै जिम्मा लगाइयो ।’
पीडितका अनुसार वैशाख २३ गते उनीहरुलाई तरहराको एक मन्दिरमार्फत दुवै पक्षका आफन्त बोलाएर जिम्मा लगाइएको थियो ।
छोरीले सुनाएका क्रियाकलापबारे श्रीमतीसँग बुझ्दा ती महिलाले स्वीकार गरेका कारण उनीहरुले राजीखुशीमै विवाह गरे ।
तर, आमालाई बिहे गरेपनि बालिकालाई भने संवेदनशील अंगमा हातपात गरेकाले असह्य भएको खुलेपछि तीन दिन अघि इलाका प्रहरी कार्यालय इटहरीमा उजुरी गरिएको पीडितले बताएका छन् ।
‘छोरीको भनाइ सुनेपछि मैले अब पनि उजुरी गरिन भने ठूलो पाप लाग्छ भनेर उजुरी गरेको हुँ,’ पीडितले भने, ‘एउटा झुट लुकाउनका लागि दसवटा झुट बोल्नुपर्छ, छोरीलाई मानसिक रुपमा पनि निकै समस्या भएको छ ।’
उनका अनुसार एक नौ वर्षीया र अर्की पाँच वर्षकी छोरी छन् ।
पीडितका अनुसार आफू जागिरमा छदाँ पठाएको रकम तथा गरगहना गरी करीब १५ लााख रुपैँया समेत ती महिलाले लगेकी छन् । ‘छोरीमाथि पनि यस्तो किसिमको हर्कत गरेकाले पीडा छ, सबै गरगहना र रकम पनि लगेकाले अर्को पीडा थपिएको छ ।’ पीडितले भने ।
बालिकाका आमालाई विवाह गर्नुअघि नौं वर्षीया बालिकालाई संवेदनशील अङ्गमा छुने, समाउने कार्य गरेकाले उजुरी परेको थियो । सोही आधारमा आधारमा किसनलाई पक्राउ गरेको इटहरी प्रहरीले जनाएको छ ।
आरोपित किसनलाई सोमबार प्रहरीले पक्राउ गरेर जिल्ला अदालत सुनसरीमा बाल यौन दुरुपयोगमा मुद्दा दर्ता गरी अनुसन्धान सुरु गरेको इटहरी प्रहरीले जनाएको छ ।
Discussion about this post