इटहरी : पछिल्लो समयमा नेपाल प्रहरीका उच्च दर्जाका प्रहरी अधिकारीहरूको सरुवा भएसँगै विभिन्न निकायमा प्रहरीको सरुवा भएको छ । तर, प्रहरीकै सानो दर्जामा रहेका ट्राफिक प्रहरीहरू भने आठ वर्षदेखि एउटै कार्यालयमा हैकम जमाएर बसेका छन् ।
पावर र पहुँचको भरमा आफूलाई पायक पर्ने कार्यालयमा आफ्नो डिउटी मिलाएर बस्ने गरेका छन् ।
विराटनगर ट्राफिकमा कार्यरत प्रहरी जवान लोकबहादुर कार्की लामो समयदेखि एउटै कार्यालयमा कार्यरत रहेका छन् । धनकुटामा ट्राफिक प्रहरीमा कार्यरत प्रहरी जवान मनोज बराल धनकुटा भेडेटारमा कार्यरत प्रहरी हवल्दार राजन तामाङ लगायत लामो समयदेखि एउटै कार्यालयमा रहेका छन् ।
प्रहरीको कार्यकाल एउटा कार्यालयमा एक बर्ष देखि दुई वर्ष सम्म हुने गरेको भएपनि माथिल्लो निकायको पहुँचको आडमा उनीहरु लामो समय देखि एउटै कार्यालयमा कार्यरत रहेको पाइन्छ । माथि उल्लेखित केही नामहरु प्रतिनिधि मात्र हुन् ।
धरानमा कार्यरत प्रहरी हवल्दार दीपकराज अधिकारी भने मुख्यमन्त्रीको आफ्न्तको पावरमा लामो समयदेखि धरानमा कार्यरत रहेका छन् ।
उनलाई प्रहरीको कुनैपनि निकायले उक्त ठाउँबाट सरुवा गर्न सकेका छैनन् । अधिकारी धरानमा कार्यरत रहँदा टिपर यवसायी र अन्य ढुवानी ब्यावसायीबाट चल्ने गरेका छन् ।
यस विषयमा १ नं. प्रदेश प्रहरी प्रमुख डीआइजी अरुण कुमार बिसिको पत्रकार सम्मेलनमा आवाज उठेको भएपनि हालसम्म उनीहरूलाई सोही ठाउँमा यावत् राख्नुपर्ने कारण भने शंकास्पद रहेको छ ।
Discussion about this post