इटहरी : धनकुटाको साँगुरीगढी गाउँपालिका ६ मालबासेस्थित कोशी राजमार्गमा सवारी दुर्घटनाबाट एक जनाको मृत्यु भएको छ । मृत्यु हुनेमा धनकुटा शहिदभूमी गाउँपालिका ४ का ३६ वर्षीय गणेशमान राई रहेका छन् ।
प्रहरीका अनुसार आइतबार साँझ संखुवासभाबाट धरानतर्फ आउँदै गरेको को १ ख ४८८९ नम्बरको बसलाई सोही दिशाबाट आउँदै गरेको को १९ प ९४२८ नम्बरको मोटरसाइकलले ओभरटेक गर्ने क्रममा सोही बसको ठक्करबाट दुर्घटना भएको थियो ।
दुर्घटनामा गम्भीर घाइते भएका मोटरसाइकल पछाडि सवार गणेशमानको धरानस्थित वीपी प्रतिष्ठानमा उपचारको क्रममा मृत्यु भएको हो । मोटरसाइकल चालक इलाम चुलाचुली गाउँपालिका ६ का ३३ वर्षीय रत्न कुमार राई घाइते भएका छन् ।
उनको प्रतिष्ठानमै उपचार भइरहेको प्रहरीले जनाएको छ । बस र बस चालक सुनसरी धरान १३ का ५८ वर्षीय कृष्णबहादुर पाख्रीन इलाका प्रहरी कार्यालय भेडेटारको नियन्त्रणमा रहेका छन् ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post