उदयपुर : उदयपुरको चौदण्डीगढी नगरपालिका ५ सुन्दरपुरमा टिपरसँग मोटरसाइकल ठक्कर हुँदा मोटरसाइकल चालकको मृत्यु भएको छ ।
मृत्यु हुनेमा त्रियुगा नगरपालिका १ का २५ वर्षीय गंगाराम चौधरी रहेका छन ।
आज (आइतबार) बिहान ९ बजे चौदण्डीगढी ५ स्थित भित्री सडक खण्डमा प्रदेश १–०२–००१ क ३८९६ नम्बरको टिपरलाई स १० प ८७९८ नम्बरको मोटरसाइकलले ओभरटेक गर्ने क्रममा टिपरसँग ठक्कर हुँदा उनको घटनास्थलमै मृत्यु भएको प्रहरीले जनाएको छ ।
सोही मोटरसाइकल पछाडि सवार निजको श्रीमती २४ वर्षीया संगीता चौधरी घाइते भएकाले उपचार भइरहेको प्रहरीले जनाएको छ ।
टिपर र चालक सुनसरी हरिनगर गाउँपालिका ८ का सुनिल दाहाललाई इलाका प्रहरी कार्यालय बेल्टारले नियन्त्रणमा लिएर थप अनुसन्धान गरिरहेको प्रहरीले जनाएको छ ।
Discussion about this post