इलाम : इलाम नगरपालिका १० स्थित मेची राजमार्गमा बस अनियन्त्रित भइ दुर्घटना हुँदा एकजनाको मृत्यु भएको छ भने चारजना घाइते भएका छन् ।
मृत्यु हुनेमा बारा जिल्लाको सिम्राहागण नगरपालिका ७ का ३५ वर्षीय प्रदिप कुसुवाह रहेका छन् ।
बारा जिल्लाबाट इलाम घुम्न आएका ४४ जना सवार ना ४ ख ६२४८ नम्बरको बस अनियन्त्रित भइ सडकको नालीमा ठोक्किदाँ मृतक कुसुवाह झ्यालबाट हामफालेका थिए । हाम्फाल्ने क्रममा बसले चेप्पिएर उनको घटनास्थलमै मृत्यु भएको प्रहरीले जनाएको छ ।
घाइतेहरूको उपचार भइरहेको छ भने दुर्घटना सम्बन्धमा इलाका प्रहरी कार्यालय पशुपतिनगरबाट थप अनुसन्धान भइरहेको प्रहरीले जनाएको छ ।
Discussion about this post