इटहरी : विद्युतीय अपराध (साइबर क्राइम) मा संलग्न एकजनालाई इटहरी प्रहरीले पक्राउ गरेको छ ।
इलाका प्रहरी कार्यालय इटहरीका सूचना अधिकृत प्रहरी निरीक्षक राजकुमार कार्कीका अनुसार पक्राउ पर्नेमा झापाको दमक ४ घर भइ हाल इटहरी ५ बस्ने निवेश चौधरी रहेका छन् ।
१५ वर्षीया बालिकाको तस्वीर जोडेर आफनो मोबाइलमा अश्लील भिडियो बनाएर दुरुपयोग गरेको आरोपमा उनलाई पक्राउ गरिएको कार्कीले बताए ।
चौधरीले भिडियो बनाएर फेसबुकको म्यासेन्जरमार्फत फेसबुकका साथीलाई पठाइ चरित्र हत्या गरेको प्रहरीले जनाएको छ । पीडितले उनीबिरुद्व उजुरी दिएसँगै इटहरी ८ बाट उनलाई पक्राउ गरिएको हो ।
पक्राउ परेका उनीमाथि आवश्यक कारबाही तथा अनुसन्धानको लागि साइबर ब्यूरो भोटाहिटी काठमाण्डौं पठाइएको प्रहरीले जनाएको छ ।
यो पनि – इटहरीको मोर्डन प्रिपेरेटरी स्कुलमा साइबर अपराधबारे सचेतना, के भन्छन् डीएसपी ?
Discussion about this post