इटहरी : इटहरीमा स्कुल बसको ठक्करबाट एक महिलाको मृत्यु भएको छ ।
आज (आइतबार) बिहान ५ः१० बजे इटहरी १८ स्थित कान्छीचोक–चतरा सडक खण्डमा बेबिलोन बोर्डिङ स्कुल इटहरीको को १ क १८६६ नम्बरको बसले तत्काल नाम, थर, वतन नखुलेकी अन्दाजी ५०।५५ वर्षीय महिलालाई ठक्कर दिँदा उनको घटनास्थलमै मृत्यु भएको हो ।
पूर्व क्षेत्रीय ट्राफिक प्रहरी कार्यालय इटहरीका अनुसार अहिले शव घटनास्थलमै रहेको छ ।
तीव्रगतिमा रहेको बसका चालक तत्काल फरार रहेकाले उनको खोजी कार्य भइरहेको प्रहरीले जनाएको छ ।
स्कुल बस इलाका प्रहरी कार्यालय पकलीको नियन्त्रणमा रहेको छ ।
Discussion about this post