इटहरी : नेपाल आयुर्वेद औषधि ब्यवसायी संघ सुनसरी, मोरङ र झापा संयुक्त रूपमा गठन भएको छ ।
नेपाल आयुर्बेद औषधि ब्यवसायी संघ झापा जिल्ला अध्यक्ष चुडाराज खनालको अध्यक्षतामा सम्पन्न भएको कार्यक्रमका प्रमुख अतिथि प्रदेश १ का स्वास्थमन्त्री जयराम यादब, विशिष्ट अतिथि आयुर्वेद व्यवसायी संघका केन्द्रीय अध्यक्ष जङ्गराज गिरी, प्रदेश अध्यक्ष जगतबहादुर भट्टराई थिए ।
कार्यक्रममा बोल्दै मन्त्री यादबले आयुर्वेद क्षेत्रलाई आफूले सकेको सहयोग गर्ने बताए । पछिल्ला वर्षहरूमा कोरोना महामारी नियन्त्रण गर्न आयुर्वेद व्यवसायीले महत्वपूर्ण भूमिका निर्वाह गरेको उनको भनाइ छ ।
कार्यक्रममा बोल्दै केन्द्रीय अध्यक्ष जङ्गराज गिरीले आयुर्बेद औषधि ब्यवसायी संघलाई अझ शशक्त र एकताबद्ध बनाउन निर्देशन दिए ।
यस्तै, प्रदेश अध्यक्ष जगतबहादुर भट्टराईले आयुर्वेद ब्यवसायीहरूको हकहितका लागि बोल्ने संस्था उक्त संघ मात्र भएकाले एकताबद्व हुनुपर्ने बताए ।
संयुक्त जिल्ला अधिवेशन अन्तर्गत सुनसरीको अध्यक्षमा लक्ष्मण प्रसाईँ चुनिएका छन् । यस्तै, उपाध्यक्षमा.उमेश थापा, सचिवमा.गान्दिप गिरी, कोषाध्यक्षमा सुजन तिम्सिना चयन भएका छन् । यस्तै, सदस्यमा मनोज अग्रवाल चयन भएका छन् ।
यस्तै, मोरङको अध्यक्षमा फडिन्द्रहरी पोख्रेल, उपाध्यक्षमा गजेन्द्र दङ्गाल, सचिवमा देबनारायण साह र कोषाध्यक्षमा चन्द्रमणी तिम्सिना चयन भए । यस्तै, सदस्यहरूमा योगेन्द्र खड्का, दिलीप कुमार मिश्र, रेखा खड्का (कार्की) चयन भएका छन् ।
उता, झापाको अध्यक्षमा नर्बदा भट्टराई, उपाध्यक्षमा भगिहाङ नेम्वाङ, सचिवमा ओमप्रकाश मैनाली र कोषाध्यक्षमा रामप्रसाद बराल चयन भएका छन् । यस्तै, सदस्यहरूमा अन्जना शर्मा र सिबेन्द्र मण्डल चयन भएका छन् ।
Discussion about this post