इटहरी : इटहरीमा सोमबार (भोलि) गठबन्धनले चुनावी सभा गर्ने भएको छ ।
सभालाई सत्ता गठबन्धनमा रहेका दलका शीर्ष नेताहरूले सम्बोधन गर्ने कार्यक्रम रहेको छ ।
कार्यक्रमलाई सम्बोधन गर्न पूर्व प्रधानमन्त्री तथा नेकपा (एकीकृत समाजवादी) बरिष्ठ नेता झलनाथ खनाल र नेपाली कांग्रेसका महामन्त्री विश्वप्रकाश शर्मा इटहरी आउने भएका छन ।
गठबन्धनलाई जिताउन अन्य गठबन्धनका केन्द्रीय नेताहरू समेत इटहरी आउने छन् ।
गठबन्धनका केन्द्रिय नेताहरु सोमबार १२ः३० बजे इटहरी आवास क्षेत्रमा आउने कार्यक्रम तय भएको बताइएको छ ।
इटहरीका २० वटै वडाबाट करिब १० हजार कार्यकर्ताहरु उपस्थित हुने चुनाव प्रचार प्रसार समितिका संयोजक शिवराज दाहालले बताए ।
इटहरीमा गठबन्धनको तर्फबाट कांग्रेसबाट मेयरमा हेमकर्ण पौडेल र एकीकृत समाजबादीबाट उपमेयरमा केशवकुमार बिष्ट चुनावी मैदानमा छन् ।
Discussion about this post