सुनसरीको रामधुनीमा डुबेर एक पुरुषको मृत्यु

रामधुनी : सुनसरीको रामधुनी नगरपालिका ३ स्थित दतकिच खोलाको पानीमा डुबेर एक पुरुषको मृत्यु भएको छ ।

सोमबार (आज) दिउँसो पौने १२ बजे स्थानीय ३२ वर्षीय मग्न साहुको डुबेर मृत्यु भएको हो ।

खोलामा हात खुट्टा धुने क्रममा अचानक पानीमा डुबेर बेहोस भएका उनको तत्काल उद्दार गरी उपचारको लागि जिल्ला अस्पताल इनरुवा पठाएकोमा उपचारको क्रममा मृत्यु भएको प्रहरीले जनाएको छ ।

घटना सम्बन्धमा इलाका प्रहरी कार्यालय पकलीबाट थप अनुसन्धान भइरहेको प्रहरीले जनाएको छ ।