इटहरी : झापा र मोरङको छुट्टा–छुट्टै स्थानमा सवारी दुर्घटना हुँदा दुईजनाको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार झापाको बाह्रदशी गाउँपालिका ३ स्थित चारपाने(राजगढ सडक खण्डमा प्रदेश १–०१–००१ त ८९०७ नम्बरको ट्याक्टर अनियन्त्रित भइ दुर्घटना हुँदा ट्याक्टर चालक बाह्रदशी ३ का २२ वर्षीय लखिराम सतारको मृत्यु भएको छ ।
दुर्घटनामा गम्भीर घाइते भएका उनको उपचारको क्रममा प्रादेशिक अस्पताल भद्रपुरमा मृत्यु भएको प्रहरीले जनाएको छ ।
यस्तै, मोरङको लेटाङ नगरपालिका ९ स्थितमा रहेको तेली खोलाको निर्माणाधिन पुलमा को १ ख ४०७७ नम्बरको मिक्सचर मेसिनले सूर्य एण्ड सन्स कन्ट्रक्सन कम्पनीमा कार्यरत ओभरसियर लहान नगरपालिका १४ सिरहाका २४ वर्षीय सुनील साहको मृत्यु भएको छ ।
मेसिनले ठक्कर दिदाँ उनको घटनास्थलमै मृत्यु भएको प्रहरीले जनाएको छ । दुर्घटनामा संलग्न रहेका चालक शम्भु राजधामीलाई इलाका प्रहरी कार्यालय लेटाङले नियन्त्रणमा लिएको छ ।
दुवै घटनाबारे थप अनुसन्धान भइरहेको प्रहरीले जनाएको छ ।
Discussion about this post