विराटनगर : प्रदेश १ मा नयाँ डीआइजीले पदभार ग्रहण गरेका छन् ।
१ नम्बर प्रदेश प्रहरी कार्यालय विराटनगरको प्रमुखको रूपमा प्रहरी नायव महानिरीक्षक (डीआइजी) श्यामलाल ज्ञवालीले बुधबार पदभार ग्रहण गरेका हुन् ।
गृह मन्त्रालयले यही पौष २९ गते गरेको निर्णयानुसार साईबर ब्यूरो भोटाहिटी काठमाण्डौँबाट आएका ज्ञवालीले कार्यभार सम्हालेका हुन् ।
अपराध अनुसन्धान, प्रहरी अप्रेशन, कुशल नेतृत्व तथा प्रहरी व्यवस्थापन लगायत विषय सम्बन्धी राम्रो ज्ञान भएका ज्ञवालीले अपराध अनुसन्धानको क्षेत्रमा विभिन्न चर्चित अपराधका घटनाहरूमा अनुसन्धानको नेतृत्व गरेका छन् ।
१ नम्बर प्रदेश प्रहरी कार्यालय विराटनगरमा हाजिर भएपश्चात उनले प्रहरी कर्मचारीहरूलाई निर्देशन दिँदै प्रहरी आचरण र व्यवहारमा सुधार ल्याउनुपर्ने बताए ।
यस्तै, अपराधरहित समाज निर्माणमा अहोरात्र खटिई कानूनको परिधिमा रहेर जनचाहना बमोजमको प्रहरी सेवा प्रदान गर्न निर्देशन दिए ।
Discussion about this post