मोरङ : श्रीमती परपुरुषसँग लागेको शंका गर्दै २५ हजार रुपैयाँ सुपारी दिएर हत्या गर्ने श्रीमानसहित तीनजनालाई मोरङ प्रहरीले पुर्पक्षका लागि कारागार चलान गरेको छ ।
विराटनगर १९ मिलन चौक टोलमा बस्ने २७ वर्षीया प्रियंका सोनारको हत्या आरोपमा पक्राउ परेका श्रीमान रमेश कुमार सोनारसहित तीन जनालाई पुर्पक्षको लागि थुनामा राख्न मोरङ आदेश दिएको हो ।
हत्यामा संलग्न रहेका कर्तव्य ज्यान कसूरमा २०७९ फागुन ८ गते विराटनगर १९ मिलनचौक टोलमा बस्ने ३४ वर्षीय रमेश साह भन्ने रमेश कुमार सोनार, कटहरी गाउँपालिका ५ का पैनी टोल बस्ने ६२ वर्षीय रामानन्द राम हरिजन, कटहरी ५ उराव टोलमा बस्ने ३५ वर्षीय उमेश सरदार पक्राउ गरिएको थियो ।
घटनामा संलग्न आरोपमा पक्राउ परेका विराटनगर ७ का श्रीराम भन्ने सिलिराम चौधरीलाई अनुसन्धान पश्चात मुद्दा नचलाउने निर्णय भएको प्रहरीले जानकारी दिइएको छ ।
गत फागुन ७ गते दिउँसो २ बजे मोरङ बूढीगंगा गाउँपालिका वडा नं २ अमाही स्थित नरसिंह चौधरीको ग्वाली घरमा प्रियकाको हत्या गरेको अवस्थामा बोराभित्र शव फेला परेको थियो ।
शव भेटिएपछि प्रहरीले हत्यामा संलग्न भएको आरोपमा चार जनलाई पक्राउ गरेको थियो । जसमध्ये पक्राउ परेको विराटनगर ७ हस्पिटल चौकमा बस्ने वर्ष ५३ का श्रीराम भन्ने सिलीराम चौधरीलाई जिल्ला सरकारी वकिलको कार्यालयले मुद्दा
प्रियंका सोनारको हत्या गर्न १५ दिनअघि नै श्रीमान रमेशले योजना बनाएको प्रहरीको अनुसन्धानबाट खुलेको छ ।
रमेशले मुख्य सहयोगी कटहरी गाउँपालिका ५ का ६२ वर्षीय रमानन्द रामलाई २५ हजार रुपैयाँ अग्रिम एडभान्स दिएर हत्याको योजना बनाएको मोरङ प्रहरीको अनुसन्धानबाट खुलेको हो ।
‘श्रीमती प्रियंकाको परपुरुषसँग अनैतिक सम्बन्ध रहेको भन्दै हत्या गर्ने योजना रमानन्दलाई रमेशले सुनाएका थिए । त्यही योजना अनुसार रमानन्दले थप दुई जना सहयोगी लिएको अनुसन्धानबाट खुलेको छ,’ अभियोगमा उल्लेख छ ।
Discussion about this post