इटहरी : सुनसरीको इनरुवामा पूर्व राजा ज्ञानेन्द्र शाहलाई अभिनन्दन गर्न लागिएको कार्यक्रममा ‘श्री ५’ लेखिएका ब्यानर प्रशासनले हटाएको छ ।
आज (सोमबार) इनरुवामा पूर्व राजा शाहलाई अभिनन्दन गर्ने कार्यक्रम थियो । जहाँ ‘श्री ५ महाराजधिराज’ लेखिएको ब्यानर भने प्रशासनले हटाएको हो ।
जिल्ला प्रहरी कार्यालय सुनसरीबाट खटिएको सादा पोशाकमा खटिएका प्रहरीहरूले पूर्व राजा शाहलाइ अभिनन्दन गरिने बारे चौक चौकमा टासेको श्री ५ लेखिएका व्यानरहरू हटाएको हो ।
‘पूर्व राजा भनेर लेखिएको ब्यानर भने हटाइएको छैन,’ जिल्ला प्रहरी कार्यालय सुनसरीका एक प्रहरीले भने, ‘श्री ५ महाराजधिराज’ भनेर लेखिको ब्यानर चैँ हटाइएको हो ।’
राजावादी समूहले आज नागरिक अभिनन्दन गर्ने कार्यक्रम राखिएको छ । अभिनन्दन कार्यक्रममा पूर्वराजा शाहलाई हिँडेर र जनतासँग दोहोरो कुराकानी गर्न प्रतिबन्ध लगाइएको बताइएको छ ।
पछिल्लो केही महिनायता शाह झापामा बस्दै आएका छन् । केहीदिन अघिमात्रै उनी इटहरीस्थित बूढीगंगा–जमुना मुक्तिघाटमा सन्ध्याकालीन आरतीमा सहभागी हुनका लागि आएका थिए ।
Discussion about this post