इटहरी : आइतबार (हिजो) इटहरीस्थित विराटनगर लाइनकोशुभलक्ष्मी ज्वेलर्समा ग्लोबल आइएमई बैङ्कले व्यापारीलाई हातहतियारसहित कर्मचारी खटाएर आतंकित बनाएको भन्दै सोमबार (आज) इटहरीका सबै पसल गर्ने गरियो ।
उद्योग वाणिज्य संघ इटहरीका अध्यक्ष जीवन पराजुलीले आइतबार साँझ एक सूचना जारी गर्दै बैँकबाट अभद्र व्यवहारका कारण त्रसित भएको बन्दै संघले बन्दको आह्वान गरेका थिए ।
आर्थिक मन्दीले व्यापार व्यवसाय धराशयी भएको समयमा व्यवसायीको मनोबल गिराउने काममा बैँक सक्रिय भएको भन्दै भत्र्सना गरिएको उनले बताए ।
तर, उवासंघले व्यापार बन्द गर्ने जनाएसँगै इटहरीको मुख्य चौक आसपासका धेरैजसो व्यापारीहरूले सोमबार दिनभर सटर बन्द गरे ।
समयमै ऋण नतिरेको भन्दै बैँकले लिलामी प्रक्रिया अगाडि बढाएको र सोही क्रममा सामान जफत गर्न बैँकका गार्डसहित कर्मचारीहरूपसल पुगेका थिए ।
बैंकको इटहरी शाखाका कर्मचारीले हातहतियारसहितको प्रहरी समेत लिएर गई जबरजस्ती सुन र अन्य सरसामान जफत गर्न खोजेर व्यपारीलाई आतंकित बनाएको र गुण्डागर्दी शैलीमा बैंक प्रस्तुत भएको जनाउँदै उवासंघले व्यापार बन्द गरेको हो ।
सुन पसल संचालक राजमणी श्रेष्ठले ग्लोबल आईएमई बैंकको ऋण तिर्नका लागि अर्को एक वाणिज्य बैंकमा ऋणकै लागि आवश्यक प्रक्रिया अगाडि बढाइएको बताए । तर, बैंकका कर्मचारीहरूले गुण्डागर्दीशैलीमा सुन, बनाइएका गरगहना, पैसा र अन्य सामानहरू जबरजस्ती जफत गर्न खोजेपछि आपत्तिको विषय रहेको बताए ।
तर, उवासंघले व्यापार बन्द नभई छलफल र वार्ताको माध्यमबाट समस्या समाधानका निम्ति पहल गर्नुपर्ने व्यापारीहरूको धारणा छ ।
इटहरीकी व्यवसायी गायत्री कटवाल (भण्डारी) ले बैँकको तरिका गलत भएको बताइन् ।
उनले भनिन्, ‘बैँकले गलत तरिकाले प्रस्तुत भयो । तर, बैँकको विरुद्धमा, व्यापारीको समस्या समाधान बजार बन्द त होइन नि ।’
भोलिका दिनमा यी भन्दा ठूला र जटिल समस्या पनि आइपर्न सक्ने भन्दै उनले बजार बन्दको कुरामा असहमति जनाइन् ।
‘बजार बन्द गर्ने कुरामा मेरो सहमत छैन । बजार खोलेर विरोध गर्न सक्नुपर्यो,’ उनले भनिन्, ‘अन्यायमा परेका व्यवसायीहरूले न्याय पाउनुपर्छ । एक त बैँकको प्रक्रिया गलत छ, अर्कोतर्फ उवासंघको निर्णय ।’
बैँकविरुद्ध आन्दोलन गर्दा व्यापारीलाई समस्या दिने बैँकमा आर्थिक कारोबार बन्द गर्ने, खाता क्लोज गर्ने तथा बहस र छलफल गरेमा बैँक आफैँ सचेत हुने उनको तर्क छ ।
‘समस्या समाधानको विकल्प बजार बन्द मात्रै होइन । बन्द बजारलाई पनि उद्योग वाणिज्य संघले खोल्न सक्नुपर्छ,’ भण्डारीले टाकुरासँग भनिन्, ‘व्यवसाय नै ठप्प पार्नुहुँदैन । ब्याज तिर्नुपर्ने दिन आउँदैछ । अहिलेको अवस्थामा भाडा तिर्नै पनि गाह्रो छ ।’
अहिले इटहरीमा पार्किङ समस्या चौतर्फी रहँदा त्यसको निराकरणका निम्ति उवासंघ लाग्नुपर्ने उनको सुुझाव छ ।
‘बजार बन्द गर्दाको क्षतिपूर्ति कसले व्यहोर्ने ? उवासंघले इटहरी नै ठप्प पारिदिने त ?,’ उनले भनिन्, ‘हिजो खुलेको पसल आज किन बन्द भइरहेको छ भनेर खोजी गर्नुपर्छ, त्यता कसैको ध्यान नै पुुगेको छैन ।’
बैँकको प्रक्रिया गलत भएको र पसलमा आउँदा सुनचाँदी व्यवसायी संघ, उवासंघलाई जानकारी गराउनुपर्ने उनको भनाइ छ । व्यापारीको समस्यामा सबै व्यापारीहरू एकजुट नै भइरहेपनि उवासंघले बजार बन्द गराएकोप्रति उनको असन्तुष्टि छ ।
कार्यसमितिमै असन्तुष्ट
उद्योग वाणिज्य संघले गरेको उक्त निर्णयमा कार्यसमिति सदस्यहरू नै असन्तुष्ट छन् । वस्तुगततर्फका सदस्य उमेश दाहाल भन्छन्, ‘उवासंघको हिजो र आजको बैठकमा नै म उपस्थित छैन, समस्या भएको अवस्थामा छलफल र वार्ताको माध्यमबाट टुंग्याउनुपर्छ ।’
यसअघिको कार्यसमितिले कहिल्यै पनि पसल बन्दको आह्वान नगर्ने र पसल नै बन्द गर्ने यो पहिलो घटना भएको उनले बताए ।
‘ठूला–ठूला बन्द र नेपाल बन्द हुँदा समेत प्रायःजसो इटहरी बन्द हुँदैनथियो,’ दाहालले भने, ‘उद्योग वाणिज्य संघले नै पसल बन्द गराएर ऐतिहासिक निर्णय ग¥यो ।’
बैँकर्सहरूसँग पटकपटक छलफल गर्ने, वार्ता गर्ने, नभए आन्दोलनको कार्यक्रमअनुरुप बैँक घेराउ गर्नुपर्ने भएपनि पसल बन्द गर्नु अत्यन्त निन्दनीय भएको उनी सुनाउँछन् ।
‘इटहरी चौकमा पसल गर्नेले दुई लाखभन्दा बढी भाडा तिरिरहेका छन्, दिनकै २० देखि ५० हजारसम्म घाटा छ,’ उनी भन्छन्, ‘आर्थिक मन्दीको समयमा यसरी पसल गर्नु कति न्यायोचित हुन्छ ?’
यता, उद्योग वाणिज्य संघ इटहरीका सदस्य ध्रुव अधिकारीले गुण्डागर्दी शैलीमा सुन लुटपाट गर्नेजस्तो शैली देखाएपछि पसल बन्द गर्न बाध्य भएको बताए ।
‘प्रक्रियागत रूपमा जानुपर्ने ठाउँमा व्यापारीलाई मानसिक तनाव दिएका कारण हामीले आज एकदिन पसल बन्द गरेका हौँ,’ अधिकारीले भने, ‘बैँकले कानुनी रूपमा प्रस्तुत हुनुपर्छ, यो हाम्रो पहिलो स्टेजको कार्यक्रम हो ।’
बैँकले व्यापारीलाई फेरि तनाव नदियोस् भन्नका निम्ति सबै पसल बन्द गरिएको उनले बताए । उनका अनुसार बैँक पनि बन्द गराउनका निम्ति इटहरीका सबैजसो बैँकमा आँफूहरू जाने उनको भनाइ छ ।
Discussion about this post