पाँचथर : पाँचथरमा गुडिरहेको ट्रक खस्दा एक जनाको मृत्यु भएको छ ।
आइतबार (आज) बेलुका ७ बजे फिदिमबाट ताप्लेजुङतर्फ सिमेन्ट बोकेर जाँदै गरेको ना २ ख ९२१५ नम्बरको ट्रक मेची राजमार्गमा अनियन्त्रित भई सडकबाट खस्दा ट्रकमा सवार ३८ वर्षीय लक्ष्मी तामाङको मृत्यु भएको छ ।
प्रहरीकाअनुसार ट्रक सडकबाट अन्दाजी ५० मिटर तल खसेको थियो ।
जिल्ला प्रहरी कार्यालय पाँचथरबाट प्रहरी सहायक निरीक्षक उपेन्द्रप्रसाद यादवको नेतृत्वमा गएको प्रहरी टोलीले दुर्घटनामा परेका चालक तथा सवारी धनी ४५ वर्षीय पारसमणि थापा‚ ट्रकमा सवार ३१ वर्षीय जीवन गदाइली र तामाङलाई उद्धार गरेको थियो ।
उद्धारपछि अस्पताल पुर्याइएका उनीहरूमध्ये तामाङलाई चिकित्सकले मृत घोषित गरेका थिए ।
थप दुईको अवस्था भने गम्भीर रहेको प्रहरीले जनाएको छ । उनीहरुको पाँचथर अस्पतालमा उपचार भइरहेको जिल्ला प्रहरी कार्यालय पाँचथरले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post