दुहबी : सुनसरीको दुहबी नगरपालिका ८, सोनापुरस्थित मोटरसाइकल दुर्घटना हुँदा एक युवकको घटनास्थलमै मृत्यु भएको छ ।
प्रदेश २–०४७ प ११६४ नम्बरको मोटरसाइकल डिभाइडरमा ठोक्किएर दुर्घटना भएको प्रहरीले जनाएको छ ।
मृत्यु हुनेमा सुनसरीको गढी गाउँपालिका २, भमरी बस्ने अन्दाजी २३ वर्षीय उत्तम चौधरी रहेका छन् ।
कोसी प्रदेश ट्राफिक प्रहरी कार्यालय इटहरीकाअनुसार मृतक चौधरीसँगै मोटरसाइकलको पछाडि सवार रहेका अर्का एक जना गम्भीर घाइते भएका छन् ।
घाइते हुनेमा मोरङको कटहरी गाउँपालिका ५ घर भएका अमन गुरुङ रहेका छन् । उनको विराटनगरस्थित विराट नर्सिङ होममा उपचार भइरहेको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post