विराटनगर : नेपाल आदिवासी जनजाति पत्रकार महासंघ (फोनिज) को २४ औं स्थापना दिवसको अवसर सात जना पत्रकार पुरस्कृत भएका छन् ।
विराटनगरमा शनिबार भएको फोनिजको स्थापना दिवसको अवसर पारेर सातजना पत्रकार पुरस्कृत भएका हुन् ।
पुरस्कृत हुनेहरूमा किसन राई, देव पचभैया, जीवन लामा, उन्नति चौधरी, विदुर खवास र सुजता लिम्बु रहेका छन् । यस्तै, दिलीप थापा मगर र नेपाल भाषा टाइम्सलाई सम्मान गरिएको छ ।
सम्मानित र पुरस्कृत हुनेहरूलाई संघीय मामिला तथा सामान्य प्रशासन मन्त्री अमनलाल मोदीले कदर पत्र र दोसल्ला ओढाएर सम्मान गरेका थिए । पुरस्कृत भएका मध्ये खवास र लिम्बूलाई प्रदेशले सम्मान गरेको हो ।
कार्यक्रममा बोल्दै मन्त्री मोदीले पहिचान सहितको संघियता ल्याउन दुई तिहाई आवश्यक रहेको बताए ।
Discussion about this post