इटहरी उपमहानगरपालिकाबाटै श्रम स्वीकृति दिन सुरु

इटहरी : इटहरी उपमहानगरपालिकाले श्रम स्वीकृति दिने प्रक्रिया सुरु भएको छ ।

वैदेशिक रोजगारीमा जान चाहनेहरुको श्रम स्वीकृति इटहरी उपमहानगरपालिकाबाट सुरु भएको छ ।

श्रम, रोजगार तथा सामाजिक सुरक्षा मन्त्रालयको परिपत्रअनुसार इटहरीले पहिलो पटक मेयर हेमकर्ण पौडेलले हाल इटहरी बसोबास गरिरहेका रामचन्द्र राईलाई श्रम स्वीकृति प्रदान गर्दै सेवाको सुरुआत गरेका हुन् ।

वैदेशिक रोजगारमा जानेहरूले यसअघि काठमाडौँ गएर स्वीकृति लिनुपर्ने बाध्यता अब हटेको उनको भनाइ छ ।