विराटनगर : कोसी प्रदेश सरकारको वार्ता टोली र प्रदेश १ पुनः नामकरण संघर्ष समिति बीच बुधबार तीन बुँदे सहमति भएको छ ।
दुई पक्षको वार्ता टोलीले तीन बुँदे सहमति गरेको हो ।
सहमतिअनुसार प्रदेशको पुनः नामाङ्कनको प्रक्रियालाई अगाडि बढाउन सरकार र आन्दोलनरत पक्ष दुबैले ठोस कसरत गरेर निष्कर्षको चरणमा पुयाउन आगामी वार्ता सम्ममा पहल गर्ने भएको छ ।
यसैगरी सरकारको तर्फबाट यसअघिको वार्तामा भएको सहमतिको बुँदा नं. ३ र ४ कार्यान्वयन प्रक्रिया अगाडि बढेको प्रगति विवरण प्रस्तुत भयो र सो विषयप्रति दुवै पक्षबाट सकारात्मक समीक्षा गर्दै फागुन मसान्तभित्र कार्यान्वयन गर्ने र पहिचानको आन्दोलनको क्रममा लागेका मुद्दाहरू फिर्ता लिने सम्बन्धमा विभिन्न अदालतहरूमा विचाराधिन मुद्दाहरूको विवरण र घाइतेहरूको उपचार खर्चको विवरण संकलन गरि पेश गर्न सरकार पक्षबाट २ जना र आन्दोलनरत पक्षबाट २ जना रहने गरि एक कार्यदल गठन गर्ने सहमति भएको हो ।
Discussion about this post