इटहरी : कोशी प्रदेश सरकारबाट नेकपा माओबादी केन्द्र बाहिरिएको छ । माओवादी केन्द्रले कोशी सरकारबाट बाहिरिने र सरकारलाई दिएको समर्थन फिर्ता लिने निर्णय गरेको हो ।
सोमबार प्रदेशसभा संसद् सचिवालयमा बसेको माओवादी प्रदेश संसदीय दलको बैठकले केदार कार्की नेतृत्वको सरकारबाट बाहिरिँदै समर्थन फिर्ता लिने निर्णय गरेको माओवादी केन्द्र संसदीय दलका नेता इन्द्रबहादुर आङ्बोले जानकारी दिए ।
विश्वासको मत फिर्ता लिएको जानकारी आजै प्रदेश प्रमुखलाई गराउने उनले बताए । साथै, माओबादीबाट सरकारमा सहभागी सबै मन्त्रीहरूलाई आजै फिर्ता बोलाउनेसमेत उनले जानकारी दिए ।
माओबादीले विशेष अधिवेशन आह्वानका लागि निवेदन समेत दिने निर्णय भएको आङ्बोले बताए ।
Discussion about this post