तरहरा : तरहरा रनले पहिलो वार्षिकोत्सव मनाएको छ । शनिबार तरहरास्थित पानीपियामा एक कार्यक्रमको आयोजना गर्दै रनले पहिलो वार्षिकोत्सव मनाएको हो ।
५२ साताअघिबाट हरेक शनिबार रनिङ कार्यक्रम शुरू भएकाले त्यसलाई निरन्तरता दिइएको तरहरा रनका अध्यक्ष शिवु रुम्दाली राईले बताए ।
उनका अनुसार शनिबारको दिन स्कुले बालबालिकाहरू पनि सहभागी हुने भएका कारण हरेक शनिबार रनिङ गरिदैँ आएको छ । ‘स्वास्थ्यका लागि दौड’ भन्ने सन्देशका साथ रनिङ गरिदैँ आएको उनले बताए ।
‘सकेसम्म हरेक दिन, नसकेपनि हरेक साता दौडनुपर्छ । त्यसले गर्दा स्वास्थ्यलाई पनि फाइदा पुग्छ,’ उनले भने, ‘स्वास्थ्यसँगै बिहानको समयमा स्थानीय वातावरणमा रमाउन पनि पाइन्छ । त्यसैले एक वर्षयता हामीले दौडको कार्यक्रमलाई निरन्तरता दिएका छौँ ।’
उनका अनुसार आगामी दिनमा पनि यो कार्यले निरन्तरता पाउनेछ ।
कार्यक्रमका प्रमुख अतिथि मणिराम श्रेष्ठले तरहरा रनले यस क्षेत्रलाई चिनाउनका निम्ति महत्वपूर्ण भूमिका खेलेकोमा प्रशंसा गरे ।
उनले भने, ‘तरहरा रनले गाउँठाउँलाई देशव्यापी रूपमा चिनाउनका निम्ति महत्वपूर्ण भूमिका खेलेको छ । यसको म उच्च प्रशंसा गर्छु ।’
यसअघि तरहरा रनले देशैभरबाट दर्जनौँको संख्यामा धावक, धाविकाहरूलाई एकैसाथ तरहराबाट १० किमि दौड प्रतियोगिता सञ्चालन गरेको थियो ।
Discussion about this post