इटहरी : नेपाल लोकतन्त्रवादी आदिवासी जनजाति महासंघ सुनसरी क्षेत्र नं. २ (क)ले आँखा शिविरको आयोजना गरेको छ ।
३० औं विश्व आदिवासी जनजाति दिवसको अवसर पारेर नव दृष्टि आँखा अस्पतालको सहकार्यमा निःशुल्क आँखा शिविर आयोजना गरिएको हो ।
इटहरी २० मा रहेको बाल बहुभाषी आधारभूत विद्यालयमा एक कार्यक्रमका बीच विद्यालयमा अध्ययनरत विद्यार्थी र अभिभावकको आँखा परीक्षण गरिएको सभापति सन्दीप राईले बताए । पछिल्लो समय आँखाका बिरामी बढेका कारणपनि आँखा शिविर आयोजना गरिएको उनको भनाइ छ ।
शिविरमा ६५ जना लाभान्वित भएका छन् । जसमध्ये ५ जनालाई थप उपचार आवश्यक परेका कारण अस्पतालमा लैजाने र आवश्यक सहयोग गर्नेसमेत उनले बताए ।
कार्यक्रममा इटहरी २० का वडाध्यक्ष मणिराम श्रेष्ठ, नेपाली कांग्रेस सुनसरी क्षेत्र नम्बर २ (क)का सभापति सुबेक्छु देवान राई, कांग्रेस इटहरी नगर सचिवद्धय विक्रम घिमिरे र मन्दीप भट्टराई, नेपाल लोकतन्त्रवादी आदिवासी जनजाति महासंघ सुनसरी क्षेत्रीय नं. २ का सभापति तेजनारायण चौधरी लगायतको उपस्थिति रहेको थियो ।
Discussion about this post