सुनसरीको रामधुनीबाट नियन्त्रित औषधीसहित एक पक्राउ

रामधुनी : सुनसरीको रामधुनी नगरपालिका ५ स्थितबाट नियन्त्रित औषधीसहित एक जनालाई प्रहरीले पक्राउ गरेको छ ।

विशेष सूचनाको आधारमा इलाका प्रहरी कार्यालय पकलीबाट खटिएको प्रहरी टोली बराहक्षेत्र नगरपालिका ६ घर भई रामधुनी ५ स्थितमा कोठा भाडामा बस्दै आएका २३ वर्षीय निवास श्रेष्ठलाई पक्राउ गरिएको हो ।

उनको साथबाट ट्रामाडोल र स्पास्पेन गरी जम्मा २ सय १९ क्याप्सुल नियन्त्रित औषधी बरामद गरिएको प्रहरीले जनाएको छ ।

लागूऔषधसहित पक्राउ परेका श्रेष्ठको सम्बन्धमा थप अनुसन्धान भइरहेको सुनसरी प्रहरीले जनाएको छ ।