कोशी प्रदेशसभा बैठक : विधेयक सर्वसम्मतले पारित

विराटनगर : कोशी प्रदेशसभामा आइतबारको बैठकले ‘केही प्रदेश ऐनलाई संशोधन गर्न बनेको अध्यादेश, २०८१ लाई प्रतिस्थापन गर्न बनेको विधेयक, २०८१’ सर्वसम्मतिले पारित गरेको छ ।

उक्त विधेयकमा संशोधनका प्रस्ताव प्रदेशसभा सचिवालयमा दर्ता नभएको र प्रदेशसभा सदस्यले दफावार छलफलमा पनि भाग नलिएपछि सो विधेयकलाई पारित गरियोस् भनी आन्तरिक मामिला तथा कानुनमन्त्री रेवतीरमण भण्डारीले प्रस्ताव सदनमा पेस गरेका थिए ।

सो प्रस्तावमा सभामुख अम्बरबहादुर विष्टले निर्णयार्थ प्रस्तुत गर्दा सर्वसम्मतिले पारित भएको हो ।