इटहरी : इटहरीमा गत आइतबार बिहान भएको दुर्घटनामा संलग्न सवारी साधनको पहिचान भएको छ ।
पूर्व–पश्चिम राजमार्ग अन्तर्गत इटहरी–५ मा अज्ञात सवारी साधनको ठक्करबाट इटहरी २० तरहराका ३९ वर्षीय गणेश पुरीको मृत्यु भएको थियो ।
प्रहरीले घटनामा संलग्नको खोजी गर्ने क्रममा ट्रकले ठक्कर दिएको पुष्टि भएको छ ।
ना ८ ख ६६३२ नम्बरको ट्रकले ठक्कर दिएको पुष्टि भएसँगै चालक मकवानपुरको हेटौँडा १४ बस्ने २७ वर्षीय रञ्जित चौलागाईलाई पक्राउ गरिएको छ ।
इलाका प्रहरी कार्यालय इटहरीका अनुसार चौलागाईलाई सिरहा नरहा गाउँपालिका वडा नं. ३ चोहरवा चोकबाट पक्राउ गरिएको हो ।
ट्रक चालक चौलागाईँमाथि थप अनुसन्धान भइरहेको प्रहरीको भनाइ छ ।
दुर्घटनामा तत्काल गम्भीर घाइते भएका पुरीलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको थियो।
उपचारको क्रममा बिहान ४ः४५ बजे उनको मृत्यु भएको थियो । उनी महेन्द्र पेट्रोल पम्पमा सुरक्षा गार्डको रूपमा कार्यरत रहेका थिए ।
ड्युटीबाट फर्किने क्रममा तत्काल अज्ञात सवारी साधनले ठक्कर दिएपछि प्रहरीले संलग्नको खोजी गर्ने क्रममा उक्त ट्रकले ठक्कर दिएको पुष्टि भएको प्रहरीको भनाइ छ ।
यो पनि – इटहरीमा अज्ञात सवारी साधनको ठक्करबाट तरहराका पुरीको मृत्यु
Discussion about this post