इटहरी : सुनसरीको बराहक्षेत्र नगरपालिका ३ नडाहास्थित मदन भण्डारी लोकमार्गमा मोटरसाइकलको ठक्करबाट एक वृद्धाको मृत्यु भएको छ ।
पकलीबाट चतरातर्फ जाँदै गरेको प्र. १-०२-०४३ प ५३०९ नम्बरको मोटरसाइकलले बाटो काट्दै गरेकी स्थानीय ७७ वर्षीया मनमाया गिरीलाई ठक्कर दिएको थियो ।
दुर्घटनामा गम्भीर घाइते भएकी उनको बीपी कोइराला स्वास्थ्य प्रतिष्ठान धरानमा उपचारको क्रममा मृत्यु भएको प्रहरीले जनाएको छ ।
मोटरसाइकल र चालक मोरङको केराबारी नगरपालिका ५ का ३३ वर्षीय अनिल बिकलाई इलाका प्रहरी कार्यालय महेन्द्रनगरले नियन्त्रणमा लिएको छ ।
घटनाबारे थप अनुसन्धान भइरहेको प्रहरीको भनाइ छ ।
Discussion about this post