झापा : झापाको बाह्रदशी गाँउपालिका ५ स्थित विक्रम विकास मेडिकलबाट प्रतिबन्धित तथा नियन्त्रित औषधीसहित मेडिकल सञ्चालिका ३९ वर्षीया वन्दना पोखरेललाई प्रहरीले पक्राउ गरेको छ ।
मेडिकलबाट प्रतिबन्धित तथा नियन्त्रित लागूऔषधजन्य औषधीहरू विक्री वितरण भइरहेको भन्ने सूचनाको आधारमा जिल्ला प्रहरी कार्यालय झापाबाट खटिएको प्रहरी टोलीले पसलमा चेकजाँचको क्रममा नियन्त्रणमा लिएको हो ।
कोशी प्रदेश प्रहरी कार्यालय विराटनगरका अनुसार ट्रामाडोल ७ सय ९५ ट्याब्लेट, एन्टिकफ ४ सय ७० ट्याब्लेट र डाईक्लोमिन ३ हजार ९ सय ८० ट्याब्लेट बरामद गरेको हो ।
प्रतिबन्धित तथा नियन्त्रित औषधीसहित पक्राउ परेकी पोखरेलको सम्बन्धमा थप अनुसन्धान भइरहेको प्रहरीले जनाएको छ ।
Discussion about this post