मोरङ : मोरङको बेलबारी नगरपालिका–५ मा सर्पको टोकाइबाट एक बालिकाको ज्यान गएको छ।
प्रहरीका अनुसार बिहीबार दिउँसो ४ बजेतिर ८ वर्षीया सन्ध्या रायमाझीलाई सर्पले टोकेको प्रारम्भिक अनुसन्धानबाट खुल्न आएको हो। सुतिरहेको अवस्थामा सर्पले टोकेको बताइएको छ।
घटनापछि गम्भीर अवस्थामा रहेकी बालिकालाई तत्काल उपचारका लागि बीपी कोइराला स्वास्थ्य विज्ञान प्रतिष्ठान, धरान लगिएको थियो। तर, अस्पताल पुर्याउनासाथ चिकित्सकले उनलाई मृत घोषणा गरेका थिए।
मोरङ प्रहरी प्रवक्ता डीएसपी कोपिला चुँडालले बालिकाको मृत्यु पुष्टि गर्दै भनिन्, “घरमै सुतिरहेकी बालिकालाई सर्पले टोकेको प्रारम्भिक जानकारी आएको छ। कुन प्रजातिको सर्पले टोकेको हो भन्ने यकिन भइसकेको छैन। चिकित्सकले पनि सर्पको टोकाइकै कारण मृत्यु भएको जानकारी दिएका छन्।”
प्रहरीले घटनाबारे थप अनुसन्धान जारी राखेको जनाएको छ।
Discussion about this post