मोरङ : मोरङको बुढीगंगा गाउँपालिका–६, कोयलपुरस्थित नहर नजिकै झाडीभित्र अन्दाजी २० वर्षकी एक युवतीको शव फेला परेपनि शवको पहिचान भएको छैन ।
शव नग्न अवस्थामा भेटिएको र पहिचान अझै खुल्न नसकेको प्रहरीले जनाएको छ ।
जिल्ला प्रहरी कार्यालय मोरङले शवको पहिचानका लागि मृतकका कपडा, गहना तथा हातमा लगाइएको ब्यान्ड सर्वसाधारणमा सार्वजनिक गरेको छ ।
प्रहरी प्रवक्ता डीएसपी कोपिला चुँडालका अनुसार घटनास्थलमा भेटिएका प्रमाण र शवको शारीरिक अवस्थामा आधारित प्रारम्भिक अनुसन्धानले हत्या भएको निष्कर्ष दिएको छ ।
शवको कम्मरमुनि कपडा नभएको र घटनास्थलमा पाइन्ट, चप्पल, कपालको क्लिपजस्ता सामग्री भेटिएकोले बलात्कारपछि हत्या गरिएको आशंका गरिएकाे छ ।
बुढीगंगा औद्योगिक क्षेत्र नजिकै घटना भएको हुनाले मृतक उद्योग क्षेत्रमा काम गर्ने श्रमिक हुन सक्ने अनुमान गरिएको छ । प्रहरी घटनाको सत्यता पत्ता लगाउन सर्वसाधारणबाट थप जानकारी संकलन गरिरहेको छ ।
मृतकको शरीरको माथिल्लो भागको भित्री कपडा मात्रै लगाएको अवस्थामा शव फेला परेको थियो । कम्मरदेखि मुनिको भागमा कपडा नै थिएनन् ।
नग्न अवस्थामा शव भेटिएपछि बलात्कारपछि हत्या भएको हुनसक्ने आशंका गरिएकाले प्रहरीले विभिन्न कोणबाट अनुसन्धान गरिरहेको छ ।
Discussion about this post