इटहरी : नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, इटहरीले आवश्यक कानूनी कारवाहीका लागि दुई वटा कार भन्सार कार्यालय सेतु बन्धु, सुनसरीमा बुझाएको छ।
ट्राफिक प्रहरीले विभिन्न मितिमा चेकजाँच गर्ने क्रममा बा ६ च ६३७१ नम्बरको हुण्डा कार सुनसरीबाट र बा १५ च ९०१९ नम्बरको सुजुकी स्विफ्ट कार (ताप्लेजुङबाट) नियन्त्रणमा लिएको थियो।
आवश्यक कागजात नभएको तथा वास्तविक नम्बर प्लेट नलगाई कुदाइरहेको अवस्थामा नियन्त्रणमा लिइएको ट्राफिक कार्यालय इटहरीले जनाएको छ।
दुवै कार भन्सार छली गरी सञ्चालन गरिएको पाइएकोले भन्सार कार्यालय सेतु बन्धुमा आवश्यक कानूनी प्रक्रिया अगाडि बढाउन बुझाइएको जनाइएको छ।
Discussion about this post