विराटनगर : विराटनगर महानगरपालिकामा मेयर नागेश कोइरालाले माग गरेअनुसार नै प्रमुख प्रशासकीय अधिकृत पाएका छन् ।
मेयर कोइरालाले यसअघि योगेन्द्रप्रसाद दुलाललाई प्रमुख प्रशासकीय अधिकृतका रूपमा सरकारसँग माग गरेका थिए ।
मन्त्रालयले भूमि व्यवस्थापन मन्त्रालयमा कार्यरत दुलाललाई नै पठाएको हो।
सरकारको मन्त्रिपरिषद् बैठकदले एकैपटक ७२ जना सहसचिवलाई काज, सरुवा एवं कामकाजमा खटाएको हो ।
यसअघि सरकारले विराटनगरमा रामचरित्र मेहतालाई प्रशासकीय अधिकृत पठाएपनि मेयर कोइरालाले हाजिर हुन दिएका थिएनन् ।
इटहरीमा प्रमुख प्रशासकीय अधिकृत हुँदा विवादास्पद छवि बनाएका मेहतालाई सरकारले खेलकुद मन्त्रालयमा तानेको छ।
Discussion about this post