इटहरी : जेन–जी आन्दोलनका क्रममा प्रहरीको गोली लागेर मृत्यु हुने अर्का पुरुष इटहरी–१४ का मोहन सरदार रहेको खुलेको छ ।
तत्काल पहिचान नभएपनि उनको पहिचान भएको हो । ज्यान गुमाएका उनको शव उठाउन परिवारलाई कठिनाई भएको छ ।
शव ल्याउन र दाहसंस्कार गर्न आवश्यक खर्च जुटाउन नसकेपछि परिवारले सक्दो सहयोग गर्न सबैसँग अपिल गरेका छन् ।
मृतककी पत्नी मञ्जु सरदार शोकमा बोल्न नसक्ने अवस्थामा छिन् । मोहनका दुई स–साना छोरी छन् ।
इटहरी–४ भेटघाट चोकमा निर्माणको मजदुरी गर्दै आएका मोहन सरदार आन्दोलनकै दिन कामको क्रममा घाइते भएका थिए । थप उपचारका लागि अस्पताल जाँदै गर्दा प्रहरीको गोली लागी ढलेको प्रहरीले जनाएको छ ।
उनको शव हाल बीपी कोइराला स्वास्थ्य विज्ञान प्रतिष्ठान धरानमा राखिएको छ ।
Discussion about this post