धरान : धरान उपमहानगरपालिका–२० स्थित सिरान सामुदायिक वन क्षेत्रबाट प्रहरीले एक सय २० किलोग्राम गाँजा बरामद गरेको छ।
शुक्रबार साँझ करिब ५ः२० बजेतिर कोशी प्रदेश प्रहरी कार्यालय विराटनगरको प्रहरी इन्टेलिजेन्स टोली र अस्थायी प्रहरी पोस्ट जोरसखुवाबाट खटिएको संयुक्त गस्ती टोलीले च्यानडाँडा क्षेत्रको जंगलमा बेवारिसे अवस्थामा चारवटा कालो प्लास्टिकका पोका फेला पारेको थियो।
प्रहरीले पोका खोलेर जाँच गर्दा गाँजा एक सय २० किलो फेला परेको जनाएको छ। बरामद गरिएको लागूऔषधलाई इलाका प्रहरी कार्यालय धरानमा राखिएको छ।
प्रहरीका अनुसार गाँजा कसले ल्याएर त्यहाँ लुकाएको हो र कहाँ लैजान तयारी गरिएको थियो भन्ने विषयमा अनुसन्धान भइरहेको छ। घटनामा संलग्न व्यक्तिहरूको खोजी कार्यसमेत तीव्र पारिएको प्रहरीले जनाएको छ।
प्रहरीले वन क्षेत्रलाई लागूऔषध ओसारपसार तथा भण्डारणका लागि प्रयोग गरिएको हुन सक्ने आशंकासहित अनुसन्धान अघि बढाएको छ।
Discussion about this post