इटहरीमा मङ्गलवारदेखि विद्यालय सञ्चालन हुने

इटहरी : जेन–जी आन्दोलनका कारण बन्द भएका इटहरी उपमहानगरपालिका भित्रका सबै विद्यालय मङ्गलवार (भदौ ३१ गते) देखि सञ्चालन हुने भएका छन्।

उपमहानगरपालिकाको शिक्षा प्रशासन महाशाखाले सूचना जारी गर्दै आन्दोलनका कारण भदौ २४ गतेदेखि विद्यालय बन्द रहँदा पठनपाठन प्रभावित भएको जनाउँदै अब मङ्गलवारदेखि विद्यालय नियमित रूपमा सञ्चालन हुने उल्लेख गरेको हो।

सूचनामा विद्यालय सञ्चालक, शिक्षक तथा अभिभावकलाई समयमै जानकारी गराई पठनपाठनमा सामान्यता कायम गर्न आग्रह गरिएको छ।