इटहरी : धरानमा बस दुर्घटना हुँदा पाँच जनाको घटनास्थलमै मृत्यु भएको छ भने १७ जना घाइते भएका छन् ।
धनकुटाबाट धरानतर्फ आउँदै गरेको को १ ख ७११९ नम्बरको यात्रुबाहक बस जिरो पोइन्टमा दुर्घटना हुँदा पाँच जनाको घटनास्थलमै मृत्यु भएको हो ।
जिल्ला प्रहरी कार्यालय सुनसरीका प्रवक्ता, डीएसपी चन्द्र खड्काका अनुसार ब्रेक फेल भई घरको सटरमा बस जोतिएर दुर्घटना भएको हो ।
दुर्घटनामा दुर्घटनामा तीन जना पुरुष र दुई महिला (आमा र बच्चा हुनसक्ने) मृत्यु भएको खड्काले जानकारी दिए ।
उनका अनुसार मृतकको पहिचान भइसकेको छैन । घटनामा १७ जना घाइते भएका छन् । उनीहरूलाई धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि पठाइएको छ ।
जनकपुरबाट आएको उक्त बस स्कुलको रहेपनि बसमा भने विद्यार्थी सवार नरहेको उनले बताए ।
‘बस स्कुलको भन्ने भएपनि विद्यार्थी सवार छैनन् भन्ने प्रारम्भिक जानकारी आएको छ,’ उनले टाकुरा न्यूजसँग भने, ‘दुर्घटनामा स्कुटर पनि संलग्न रहेको र स्कुटरलाई जोगाउने क्रममा दुर्घटना भएकोजस्तो देखिन्छ ।’
उनका अनुसार मेडिकल पसलको सटरमा बस जोतिदाँ पाँच जनाको मृत्यु भएपनि उनीहरू बसमा सवार हुन् वा स्थानीय भन्नेबारे खुलेको छैन ।
Discussion about this post