प्रदेश १ मा दुई बर्षमा अदालतबाट दोषी ठहर भई कैद सजाय तोकिएका १ हजार २ सय ९८ जना अपराधी जेल बाहिरै छन् ।
प्रदेश १ को १४ जिल्लामा जघन्य अपराध गरेका अदालतले दोषी ठहर गरिसकेका ती अपराधीहरुलाई प्रहरीले पक्राउ गर्ने सकेको छैन ।
आर्थिक बर्ष २०७५।२०७६ मा १ हजार ७२ जना अपराधी फरार छन् । जस मध्ये ९ सय ४९ जना पुरुष र १ सय २३ महिला अहिले पनि फरार रहेको प्रदेश प्रहरी कार्यालय विराटनगरले जनाएको छ ।
गत आर्थिक बर्ष २०७६।२०७७ मा भने यो संख्या बढ्दो रहेको छ । १ हजार २ सय ६ जना पुरुष र १ सय २० जना महिला प्रहरीको आँखा छलेर बसेको प्रदेश प्रहरीको तथ्याकले देखाउँछ ।
कर्तब्य ज्यान, मानव वेचविखन, जवरजस्ती करणी, जवरजस्ती करणी उद्योग, लागूऔषध कारोबारमा संलग्न रहेका अपराधीहरु फरार रहेको प्रदेश १ प्रहरीका प्रवक्ता सुमन तिस्सिनाले बताए ।
Discussion about this post