विराटनगर : कोशी प्रदेश सरकारले सरकारी कार्यालयमा लागू गरिएको आइतबारको सार्वजनिक बिदा पुनरावलोकन गर्ने जनाएको छ।
सेवा प्रवाहको प्रभावकारिता र नागरिकको सहजतालाई आधार बनाएर प्रदेश सरकारले बिदा व्यवस्थाबारे पुनर्विचार गर्ने भएको हो।
आर्थिक मामिला तथा योजनामन्त्री विदुर लिङ्थेपले प्रदेशसभामा आर्थिक वर्ष २०८३।८४ को बजेट प्रस्तुत गर्दै आइतबारको बिदा पुनरावलोकन गरिने घोषणा गरेका हुन्।
संघीय सरकारको अभ्याससँग मेल खाने गरी लागू गरिएको बिदाले अपेक्षित नतिजा दिन नसकेको निष्कर्षतर्फ प्रदेश सरकार उन्मुख देखिएको छ।
बजेट वक्तव्यमार्फत सार्वजनिक भएको यो संकेतले प्रशासनिक संरचना र सेवा प्रवाहलाई थप प्रभावकारी बनाउने उद्देश्य झल्काएको छ।
यसअघि मुख्यमन्त्री हिक्मतकुमार कार्कीले पनि आइतबारको बिदा हटाउने विषयमा सार्वजनिक रूपमा धारणा व्यक्त गर्दै सरोकारवालाबाट सुझाव मागेका थिए।
Discussion about this post