इटहरी : इटहरी आइसोलेसनमा रहेका कोरोना संक्रमितहरुले संयुक्त रुपमा विजयादशमीको टीका लगाएका छन् ।
इटहरी उपमहानगरकी उपमेयर लक्ष्मी गौतम र कोरोना नियन्त्रण तथा रोकथाम उपसमिति संयोजक वडा नम्वर ९ का वडाध्यक्ष भूपेन्द्र बराल टीका, जमरा, मीठाई लिएर आइसोलेसन पुगेका थिए ।
आइसोलेसनमा रहेकी एक ७८ वर्षीया बृद्वले सबै संक्रमितहरुलाई टीका लगाइदिइन् । उनले अबदेखि यस्तो अवस्थामा कहिल्यै पनि टीका लगाउनु नपरोस् भन्ने आशीर्वाद दिइन् ।
टीकाको दिन उपमेयर आउँदा आमा आएको जस्तो लागेको संक्रमितहरुले बताएका थिए । परिवारबाट छुटेर बस्नुपर्दा नराम्रो लागिरहेको बेला दशैं ल्याइदिएको भन्दै संक्रमितहरुले धन्यवाद ज्ञापन गरे ।
आइसोलेसनमा हाल २१ जना संक्रमित रहेको इटहरी अस्पतालले जनाएको छ ।
Discussion about this post