इटहरी (डेस्क) : बहुविवाह मुद्दामा फरार दुईजनालाई प्रहरीले ६ वर्षपछि पक्राउ गरेको छ ।
फरार दुईजना अभियुक्तलाई जिल्ला प्रहरी कार्यालय तेह्रथुमले ६ बर्षपछि पक्राउ गरेको हो । पक्राउ पर्नेमा जिल्लाको मेन्छयायेम गाउँपालिका– १ का सन्तबहादुर कार्की र संगीता उप्रेती पक्राउ परेका हुन् ।
बहुविवाह मुद्दामा तेह्रथुम जिल्ला अदालतले उनीहरु विरुद्ध २०७१ जेठ २९ गते जनही एक वर्ष कैद फैसला गरेको थियो । तर, उनीहरु फरार भएसँगै प्रहरीले खोजी अगाडि बढाएको थियो । अहिले दुवै जनालाई घरबाटै पक्राउ गरेको तेह्रथुम प्रहरीले जनाएको छ ।
उनीहरुलाई जिल्ला प्रहरी कार्यालय तेह्रथुममा ल्याई स्वास्थ्य परीक्षण गरी प्रहरी हिरासतमा राखिएको छ ।
Discussion about this post