संखुवासभाको चैनपुर नगरपालिकामा प्रहरी र विप्लव कार्यकताबीच गोली हानाहान भएको छ । गस्तीमा रहेको प्रहरी टोली र विप्लव कार्यकताबीच गोली हानाहान भएको हो ।
सोमबार दिउँसो ११ बजे प्रहरीको गस्ती टोलीमाथि विप्लव कार्यकताले गोली प्रहार गर्दा केहीबेर गोली हानाहान भएको जिल्ला प्रहरी कार्यालय संखुवासभाका डिएस्पी नवराज मल्लले जानकारी दिए ।
विप्लव कार्यकताले प्रहरीको गस्ती टोलीमाथि गोली प्रहार गरेपछि प्रहरीले जवाफी फाइरिङ खोलेको मल्लले बताए । गोली हानाहानबाट कुनै पनि मानवीय क्षति भने नभएको उनले बताए ।
घटनास्थलमा ६० सुरक्षाकर्मी परिचालन
प्रहरी र विप्लव कार्यकताबीच दोहोरो गोली हानाहान भएपछि त्यस क्षेत्रमा ठूलो संख्यामा प्रहरी परिचालन गरिएको जिल्ला प्रहरी कार्यालय संखुवासभाले जनाएको छ ।
घटना स्थल मैदानेमा शशस्त्र प्रहरी र नेपाल प्रहरी सहित ६० सुरक्षाकर्मी खटाइएको बताइएको छ ।
Discussion about this post