इटहरीमा १५ शैय्या अस्पताल भवनको प्रदेश १ का मुख्यमन्त्री शेरधन राईले शिलान्यास गरेका छन् ।
सोमबार एक कार्यक्रमका बीच राईले इटहरी ९ स्थित इटहरी अस्पतालको प्राङ्गणमा नव निमार्ण अस्पताल भवनको शिलान्यास गरेका हुन् ।
नयाँ सहरको रूपमा उदाएको इटहरीका विकासको हिसाबले अगाडि बढेको उदृत गर्दै उनले उक्त कामको थालनी हुनु सराहनीय रहेको बताए ।
एक फरक प्रसंगमा उनले प्रदेश १ मा ६ आगामी महिनासम्ममा करीब १८ वटा सडकको उद्घाटन समेत गर्ने बताए।
ग्रामीण क्षेत्रमा स्वास्थ्य संस्थाको पहुँच पुर्याउने उद्देश्यले सङ्घीय सरकारको कार्यक्रम अन्तर्गत १८ करोड ६८ लाख २ हजारमा निर्माण सम्पन्न गरिने गरि अस्पतालको काम अगाडि बढाईएको इटहरी उपमहानगरपालिकाका मेयर द्वारिकलाल चौधरीले जानकारी दिए ।
इटहरीमा हालसम्म १० वटा स्वास्थ्य चौकी भवनको शिलान्यास गरि सकिएको बताउँदै अबको ६ महिनाभित्र ५ वटाको पनि शिलान्यास गरिने बताए ।
Discussion about this post