भिन्नाभिन्नै ठाउँमा भएको सवारी दुर्घटनामा परी तीनजनाको मृत्यु भएको छ ।
उदयपुर, मोरङ र पाँचथरको तीन स्थानमा भएको सवारी दुर्घटनामा परी तीनजनाको मृत्यु भएको हो ।
उदयपुरको चौदण्डीगढी नगरपालिका ६ मा पूर्वबाट पश्चिमतर्फ जादैँ गरेको प्रदेश १–०५–००१ प १८५० नम्बरको मोटरसाईकल र पश्चिमबाट पूर्व आउँदै गरेको स ६ प ९१०१ नम्बरको मोटरसाईकल एक आपसमा ठोक्किदाँ ९१०१ नम्बरको मोटरसाईकल चालक तुवाचुङ नगरपालिका खोटाङ घर भई उदयपुरको गाईघाटमा बस्ने २० बर्षीय भविन्द्र परियार घाईते भएका थिए ।
घाईतेलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठान लगिएको र उनको उपचारको क्रममा मृत्यु भएको ईलाका प्रहरी कार्यालय बेल्टारले जनाएको छ ।
यसैगरी मोरङको विराटनगर महानगरपालिका ४ ईकराहीमा खेत जोतिरहेको अन टेष्ट ट्याक्टर अचानक दुर्घटना भई पल्टदा घाईते भएका चालक सुनसरी बर्जु गाउँपालिका ६ चिमडीका ५५ बर्षीय आशाराम चौधरीको कोशी अस्पताल विराटनगरमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ ।
यस्तै आज विहान पाँचथरको फिदिम नगरपालिका १ बतासे खोल्सीमा मे १ त ४१८५ नम्बरको ट्याक्टर आफैँ अनियन्त्रित भई दुर्घटना हुँदा घाईते भएका ट्याक्टर चालक सुनसरीको झुम्का ठेगाना भएका २६ बर्षीय सन्तोष लम्जेललाई उपचारको लागि जिल्ला अस्पताल पाँचथर पठाईएकोमा उपचारको क्रममा मृत्यु भएको जिल्ला प्रहरी कार्यालय पाँचथरले जनाएको छ ।
Discussion about this post