सेवाग्राहीको घरमा गएर बालिकालाई जबर्रजस्ती बलात्कार गर्न खोज्ने बेलबारी विद्युत प्राधिकरण शाखाका मिटर रिडर प्रकाउ

बिधुत खपत गरेबापत सेवाग्राहीको घरमा रिडर गर्न गएको बेला १३ वर्षीया बालिकालाई बलात्कार गर्न खोजेको आरोपमा प्रहरीले एक जनालाई प्रहरीले प्रकाउ गरेको छ । cपर्ने व्यक्ति मोरङको बेलबारीस्थित विद्युत प्राधिकरण शाखा कार्यालयका मिटर रिडरको पदमा कार्यरत रहेका हुन् ।

इलाका प्रहरी कार्यालय बेलबारीको टोलीले सुन्दरहरैँचा नगरपालिका–२ स्थायी घर भएका प्राधिकरणका कर्मचारी ४० वर्षीय लेखनाथ रिजाललाई पक्राउ गरेको हो ।

प्रहरी निरीक्षक ऋषिराज ढकालका अनुसार मिटर रिडिङ गर्न जाने क्रममा बेलबारी घर भएकी एक बालिकालाई जबरजस्ती तानेर बलात्कारको प्रयास गरेको पाइएपछि रिजाललाई पक्राउ गरिएको हो ।

प्राधिकरणले खटाए अनुसार रिजाल सेवाग्राहीको घर–घरमा मिटर रिडिङ गर्न जान्थे । त्यस क्रममा मिटर रिडिङ गर्न पुगेका उनले घरमा अन्य सदस्य नभएको मौका छोपेर एक्लै भएको अवस्थामा बालिकालाई गत आइतबार बलात्कार गर्न खोजेको भन्दै किटानी जाहेरी प्रहरीमा परेको थियो ।

पक्राउ परेका रिजालविरुद्ध जबरजस्ती करणी उद्योगको मुद्दा चलाउन मंगलबार म्याद थप गरेर अनुसन्धान कार्य थालिएको ढकालले बताएका छन् ।