इटहरी : इटहरी उपमहानगरपालिकाका मेयर हेमकर्ण पौडेलले सोमबार पदभार ग्रहण गरेपछि पाँच बुँदे निर्णय गरेका छन् ।
मेयर पौडेलले पाँच बुँदे निर्णय गरेपनि उपमेयर सङ्गीता चौधरीले हस्ताक्षर गर्न अस्वीकार गरेकी छन् ।
सोमबार दिउँसो मेयर पौडेलले २० वटै वडाका नवनिर्वाचित जनप्रतिनिधिलाई सपथ ग्रहण गराएपछि पाँच बुँदे निर्णय गरेका हुन् । तर, उपमेयर चौधरीले भने हस्ताक्षर गर्न अस्वीकार गरेकी हुन् ।
मेयर पौडेलद्दारा सार्वजनिक गरिएको निर्णयमा गरीब, दलित, अल्पसंख्यक, विपन्न, असक्त, महिला, बालबालिका तथा जेष्ठ नागरिकका लागि निःशुल्क स्वास्थ्य विमा गर्ने उल्लेख गरिएको छ ।
यस्तै, इटहरी उपमहानगरपालिका क्षेत्रका महिलाहरुलाई नवजात शिशु पोषण अन्तर्गत दुई हजार एक सय उपलब्ध गराउने निर्णय गरिएको छ ।
मेयर पौडेल गठबन्धनको तर्फबाट नेपाली कांग्रेसबाट मेयरमा विजयी भएका हुन् । नेकपा एमालेबाट उपमेयरमा निर्वाचित भएकी चौधरीले हस्ताक्षर नगर्दा इटहरीका जनप्रतिनिधिलाई पहिलो गाँसमै ढुङ्गा लागेको छ ।
उपमेयर चौधरीले स्वास्थ्य चौकीबाट रेफर दिन भौतिक संरचना मात्रै भएर नहुने भन्दै हस्ताक्षर गर्न नमानेकी हुन् ।
Discussion about this post