धरान : कोशी प्रदेश प्रिमियर लिगको उपाधि गाइघाटले जितेको छ ।
बिहीबार धरान रगशालामा भएको खेलमा पाँचथरलाई ११–० को फराकिलो अन्तरले पराजित गर्दै उपाधि जितेको हो ।
उपाधिसँगै राष्ट्रिय लिगको छनौट प्रतियोगिताको रूपमा रहेको अन्तर प्रदेश लिगमा छनौट भएको छ । त्यस्तै, प्रदेश लिगमा दोस्रो स्थानमा रहँदै धनकुटाको देउराली युथ क्लब पनि अन्तर प्रदेश लिगमा छनौट भएको छ ।
कोशी प्रदेशका ११ जिल्लाका जिल्ला लिग च्याम्पियन क्लबहरू सम्मिलित कोशी प्रदेश प्रिमियर लिगमा ११ जिल्लालाई चार समूहमा विभाजित गरी समूह चरण र फाइनल चरण गरी खेलाइएको लिगमा उदयपुरको गाइघाट फुटबल क्लब लिग च्याम्पियन बन्न सफल भएको हो ।
फाइनल चरणमा ७ अक प्राप्त गरेको गाइघाट लिग च्याम्पियन हुँदा धनकुटाको देउराली युथ क्लब ४ अंकसहित दोस्रो तथा समान ४ अक भएपनि गोल अन्तरको खोटाङको बुइपा–११ तेस्रो स्थानमा रहन बाध्य भयो ।
धनकुटाको गोल अन्तर ५ रहेको छ भने बुइपाको गोल अन्तर शून्य रहेको छ । त्यस्तै, पाँचथर युनाइटेड क्लब १ अंकसहित चौथो स्थानमा रहन सफल भयो । उपाधिसँगै गाइघाटले नगद दुई लाख पुरस्कार प्राप्त गरेको छ ।
त्यस्तै, दोस्रो भएको देउरालीले एक लाख ५० हजार, तेस्रो भएको बुइपाले एक लाख २५ हजार र चौथो भएको पाँचथरले एक लाख पुरस्कार प्राप्त गरेको छ ।
गाइघाटका क्याप्टेन युवराज प्रतियोगिताको उत्कृष्ट खेलाडी घोषित भए ।
गाइघाट फुटबल क्लबका क्याप्टेन युवराज थापा प्रतियोगिताको उत्कृष्ट खेलाडी घोषित भए । उनलाई नगद ५० हजार पुरस्कार प्रदान गरिएको थियो ।
प्रतियोगिताको उत्कृष्ट गोल किपर गाइघाटकै निम छिरिङ लामा घोषित भए । उत्कृष्ट स्ट्राइकर गाइघाटकै प्रविन राई, उत्कृष्ट प्रशिक्षक गाइघाटका किरण कुमार कार्की घोषित भए ।
त्यसैगरी उत्कृष्ट डिफेन्स बुइपाका रामशुर राई घोषित भए भने उत्कृष्ट मिडफिल्डर देउरालीका विपिन लिम्बू घोषित भए । उनीहरूलाई जनही १५ हजार नगद पुरस्कार प्रदान गरियो ।
Discussion about this post