धनकुटा : कोशी लोकमार्ग राजमार्ग अन्तर्गत धनकुटाको साँगुरीगढी गाउँपालिका–९ मा ट्रक दुर्घटना हुँदा सह–चालकको मृत्यु भएको छ भने चालक गम्भीर घाइते भएका छन्।
सोमबार बिहान करिब २ बजेतिर धनकुटाबाट तरकारी लिएर धरान आउँदै गरेको प्र–३–०१–००३ क ६९०६ नम्बरको मिनी ट्रक आफैँ अनियन्त्रित भएर दुर्घटना भएको हो ।
मृत्यु हुनेमा सह–चालक उदयपुरको उदयपुरगढी गाउँपालिका–९ स्थित कुर्कुनटार बस्ने २६ वर्षीय नारायण खड्का रहेका छन् ।
यस्तै, चालक उदयपुरको रानिटार घर भएका अन्दाजी १९ वर्षीय दिनेश क्षेत्री गम्भीर घाइते भएका छन् ।
शवलाई पोस्टमार्टमाका लागि जिल्ला अस्पताल धनकुटाको शव गृहमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
Discussion about this post