सुनसरीको इटहरीबाट भन्सार छलेर भारतवाट चोरी पैठारी गरी ल्याएको कपडा सहित १ जनालाइ प्रहरीले पक्राउ गरेको छ ।
इटहरी ८ कोशी राजमार्ग अन्तरगत इटहरी बिराटनगर सडक खण्डबाट म्याजिक गाडी सहित १ जनालाई इलाका प्रहरी कार्यलय इटहरीले पक्राउ गरेको छ ।
पक्राउ पर्नेमा म्याजिक गाडी चालक बिराटनगर महानगरपालिका वडा नं ५ बस्ने ३९ बर्षका कनबिर मुस्ताकिम रहेका छन् ।को १ ज २१८८ नं को म्याजिक गाडी शंकास्पद अवस्थामा फेला परेपछि प्रहरीले तत्काल उक्त गाडीलाई नियन्त्रणमा लिएर चेकजाँच गर्दा उक्त गाडी भित्र भारतबाट चोरी पैठारी गरी भन्सार छलेर ल्याएको चौध लाख बाउन्न हजार चारसय पचास रुपैया बराबरको साडी, ब्लाउज र कुर्था सुरुवालहरु फेला परेको थियो ।
उक्त अबैध सामान र सवारी साधन समेत वरामद गरी आवश्यक कारवाहीको लागी आन्तरीक राजश्व कार्यालय इटहरी पठाईएको इलाका प्रहरी कार्यालय इटहरीले जनाएको छ ।
Discussion about this post