इटहरी : सुनसरीको रामधुनी नगरपालिका २ धर्मकाटा नजिक पूर्व–पश्चिम राजमार्गमा दुर्घटना हुँदा एकजनाको मृत्यु भएको छ ।
पूर्वबाट पश्चिमतर्फ जाँदै गरेको को २ च ३३१२ नम्बरको पिकअप र पश्चिमबाट पूर्वतर्फ आउँदै गरेको को ३१ प ३१४७ नम्बरको मोटरसाइकल बुधबार राती एक आपसमा ठक्कर हुँदा एकजनाको मृत्यु भएको हो ।
मृत्यु हुनेमा मोटरसाइकल चालक रामधुनी ३ बस्ने अन्दाजी २२ वर्षीय सुरज चौधरी रहेको पूर्व क्षेत्रीय ट्राफिक प्रहरी कार्यालय इटहरीले जनाएको छ ।
मोटरसाइकलमा तीनजना सवार रहेको र ती मध्येका सुरजको मृत्यु भएको प्रहरीले जनाएको छ । मोटरसाइकल पछाडि सवार सोही ठाउँ बस्ने २२ वर्षीय जीवन चौधरी, र २९ वर्षीय देवनारायण चौधरी घाइते भएका छन् ।
उनीहरुको विराट नर्सिङ होममा उपचार भइरहेको प्रहरीले जनाएकोछ ।
पिकअप र चालक जिल्ला मोरङ सुन्दरहरैँचा नगरपालिका १० बस्ने अन्दाजी ३६ वर्षीय दिल बहादुर कामी प्रहरीको नियन्त्रणमा रहेका छन् ।
Discussion about this post